Startup ແມ່ນຫຍັງ?

Startup

ໃຜທີ່ໄດ້ຕິດຕາມຂ່າວສານວົງການ ທີ່ກ່ຽວກັບທຸລະກິດ, ຜູ້ປະກອບການ ຫລືເທັກໂນໂລຢີ ອາດຈະເຄີຍໄດ້ຍິນຄຳວ່າ Startup ຫລືອາດຈະບໍ່ເຄີຍໄດ້ຍິນເລີຍ ເພາະມັນກໍຍັງເປັນອີຫຍັງທີ່ໃຫມ່ສຳລັບບ້ານເຮົາຢູ່ ສະນັ້ນມື້ນີ້ຜູ້ຂຽນຊິມາອະທິບາຍໃຫ້ຟັງເພື່ອເຮັດໃຫ້ຜູ້ອ່ານເຂົ້າໃຈຄຳວ່າ Startup ຫລາຍຂື້ນ ບົດຄວາມນີ້ເປັນປະໂຫຍດຫລາຍສຳລັບໃຜທີ່ຢາກເຮັດທຸລະກິດເປັນຂອງຕົວເອງ.

Startup ??

ຄຳວ່າ startup ຫມາຍເຖິງການເລີ່ມຕົ້ນເຮັດທຸລະກິດ ຫລື ການເປີດບໍລິສັດໃຫມ່ໆ ເຊິ່ງສວນຫລາຍແມ່ນຈະໃຊ້ໃນວົງການໄອທີຍ້ອນທີ່ມາແມ່ນມາຈາກສະຖານທີ່ແຫ່ງຫນຶ່ງໃນສະຫາລັດອາເມລິການັ້ນແມ່ນ Silicon Valley ຊຶ່ງຢູ່ບ່ອນນີ້ຈະມີບໍລິສັດໄອທີຫຍັກໃຫຍ່ຂອງໂລກຕັ້ງຢູ່ຈຳນວນຫລາຍ ເຊັ່ນ: Google, Apple, Facebook… ໂດຍໃນ Silicon Valley ນີ້ຈະມີຄົນທີ່ຢາກເປີດບໍລິສັດຢູ່ຫລາຍ ລວມທັງນັກລົງທຶນກໍຫລາຍເຊັ່ນກັນ  ບໍລິສັດໃຫຍ່ໆທີ່ເຮົາເຫັນໃນປະຈຸ ກໍມີຫລາຍໆບໍລິສັດທີ່ເລີ່ມຕົ້ນມາຈາກການເປັນ Startup ມາກ່ອນເຊັ່ນ: Facebook, Google, Dropbox ແລະ ອື່ນໆ

Startup ສ່ວນຫລາຍຄືເປັນສາຍ Tech ?

ຈາກທີ່ເວົ້າມາຂ້າງເທິ່ງບາງຄົນອາດຈະສົ່ງໃສວ່າ ເປັນຫຍັງບໍລິສັດທີ່ເປັນ Startup ຄືມີແຕ່ສາຍເທັກໂນໂລຢີເປັນຢ່າງອື່ນໄດ້ບໍ່? ຄຳຕອບແມ່ນໄດ້ເນາະມັນບໍ່ຈຳເປັນວ່າຕ້ອງກ່ຽວຂ້ອງກັບເທັກໂນໂລຢີສະເຫມີໄປ ແຕ່ສ່ວນຫລາຍເປັນພວກບໍລິສັດໄອທີກໍຍ້ອນວ່າ ທຸລະກິດທີ່ກ່ຽວຂ້ອງກັບດ້ານໄອທີ່ນັ້ນໃຊ້ຕົ້ນທຶນຫນ້ອຍໃນການເລີ່ມຕົ້ນ ແລ້ວຍັງສາມາດຂະຫຍາຍໂຕໄດ້ເປັນວົງກວ້າງ ແລະ ກ້າວກະໂດດ ຊຶ່ງເຫມາະຫລາຍໃນການເລີ່ມຕົ້ນທຸລະກິດໃຫມ່ໆ

Startup ກັບ SME ຕ່າງກັນບ່ອນໃດ ?

Startup ກໍເປັນບໍລິສັດເປີດໃຫມ່ທຳມະດາ ແລ້ວມັນແຕກຕ່າງແນວໃດຈາກ SME ( Small and Medium Enterprise ວິສາຫະກິດຂະຫນາດນ້ອຍ ແລະຂະຫນາດກາງ) Startup ຈະຫມາຍເຖິງທຸລະກິດທີ່ມີການວາງແຜນ ຫລືມີຄວາມສາມາດຂະຫຍາຍໂຕຢ່າງກ້າວກະໂດດ (ຍົກຕົວຢ່າງ Facebook ໃນຕອນເລີ່ມຕົ້ນໃນຮົ້ວມະຫາໄລແຕ່ປະຈຸບັນມີຄົນໃຊ້ທົ່ວໂລກກວ່າພັນລ້ານຄົນ) ເຊິ່ງແນ່ນອນໃນການຂະຫຍາຍຕົວກໍຕ້ອງໃຊ້ບຸກຄາລາກອນແລະເງິນທຶນ ເຮັດໃຫ້ອີກຢ່າງຫນຶ່ງທີ່ແຕກຕ່າງຄືຖ້າຕ້ອງການເຮັດທຸລະກິດ SME ສ່ວນຫລາຍຈະຕ້ອງໄດ້ໃຊ້ທຶນຕົວເອງບໍ່ກໍໄປຂໍກູ້ Bank ສະນັ້ນ Startup ດີຢູ່ບ່ອນວ່າມີ ນັກລົງທຶນ (Investor)

ນັກລົງທຶນ (Investor)

startup-investor

ທຸລະກິດ Startup ນັ້ນຈະມີປະເພນີໃນການຫາເງິນທຶນໂດຍຂໍຈາກນັກລົງທຶນ ເຊິ່ງນັກລົງທຶນກະບໍ່ແມ່ນຊິໃຫ້ເງິນມາຟຣີໆ ພວກເຂົາກໍ່ຈະໄດ້ສິ່ງຕອບແທນເປັນ ສ່ວນແບ່ງໃນລາຍໄດ້ ຫລືອາດຈະເປັນຮູ້ນໃນບໍລິສັດ ນັກລົງທຶນຈະມີຫລາຍປະເພດ ແຕ່ໂດຍຫລັກໆແລ້ວຈະມີຢູ່ 2 ກຸ່ມຄື Angel Investor ກັບ Venture Capital 

Angel Investor 

Angel Investor ມັກຈະເປັນນັກລົງທຶນອິດສະຫລະ ໂດຍຈົກກະເປົ່າຕົວເອງໃນການລົງທຶນ ພວກນີ້ຈຶ່ງເປັນພວກທີ່ຮັບຄວາມສ່ຽງໄດ້ ແລະ ບາງທີ່ອາດຈະບໍ່ລົງທຶນເພື່ອທີ່ຈະຫວັງແຕ່ກຳໄລຢ່າງດຽວ ແຕ່ຢາກເຫັນການເກີດຂື້ນຂອງບໍລິສັດໃຫມ່ໆ ເມື່ອທຽບກັບນັກລົງທຶນ VC ເຮັດໃຫ້ເງິນລົງທຶນຂອງ Angel ມັກຈະຫນ້ອຍກວ່າ VC ເຊັ່ນກັນ

.Venture Capital 

Venture Capital ຫລື VC ຈະເປັນນັກລົງທຶນລາຍໃຫຍ່ ຊຶ່ງແຕກຕ່າງຈາກ Angel Investor ຢູ່ບ່ອນວ່າບໍ່ຄອ່ຍສຽງໃນການລົງທຶນກັບ Startup ທີ່ບໍ່ແນ່ນອນ ແຕ່ວ່າເງິນລົງທຶນແຕ່ລະເທື່ອຈະສູງ

ຖ້າຖາມວ່າການລົງທຶນກັບ Startup ກໍ່ຊິຄຸ້ມບໍ່ເພາະວ່າລົງທຶນໄປເປັນລ້ານລ້ານຫລຽນ ກໍມີເຄສຕົວຢ່າງໃຫ້ເຫັນຢູ່ເຊັ່ນ ນັກລົງທຶນທີ່ລົງທຶນກັບ Instagram ປະມານ 100 ລ້ານຫລຽນແຕ່ Facebook ໄດ້ມາຊື້ເອົາໃນລາຄາ 1,000 ລ້ານຫລຽນ ເຫັນວ່າເຫລືອຕັ້ງ 900 ລ້ານທີ່ເປັນກຳໄລລ້ວນໆ.

Advertisements

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s