[Android Tutorial] Setup Environment ສຳລັບພັດທະນາ android application

android-developers

1. ຕິດຕັ້ງ JDK

ເລີ່ມຕົ້ນເລີຍໃນການພັດທະນາ Android Application ເຮົາຈະຕ້ອງມີ JDK ຕິດຕັ້ງຢູ່ເຄຶ່ອງກ່ອນ ຍ້ອນໃນການພັດທະນາ android ນັ້ນໃຊ້ພາສາ java ໃນການພັດທະນາ ສຳລັບໃຜທີ່ຍັງບໍ່ມີ ກໍໃຫ້ໂຫລດມາຕິດຕັ້ງໃຫ້ຮຽບຮ້ອຍ ຫລື ສາມາດເຮັດຕາມຜູ້ຂຽນໄດ້ເລີຍ

ກ່ອນອື່ນເຂົ້າໄປ download JDK ກ່ອນ
jdkd2

ແລ້ວກໍກົດ Accept License Agreement ກ່ອນທີ່ຈະເລືອກ download ຕາມລະບົບປະຕິບັດການທີ່ຜູ້ອ່ານໃຊ້ຢູ່

jdk3ເມື່ອ download ມາແລ້ວກໍໃຫ້ກົດຕິດຕັ້ງໃຫ້ແລ້ວ ການຕິດຕັ້ງກໍຄ້າຍກັບການຕິດຕັ້ງໂປຣແກຣມທົ່ວໄປ ຈະບໍ່ເວົ້າລະອຽດຫລາຍ

install-jdk install-jdk-fin

ຕໍ່ໄປເປັນການໃສ່ path JDK ເພື່ອໃຫ້ເຄື່ອງສາມາດຮູ້ວ່າ JDK ຢູ່ໃສໃຫ້ click ຂວາຢູ່ My Computer ແລ້ວເລືອກ Properties ແລ້ວ click ທີ່ Advanced system settings

jdk4jdk9

ແລ້ວຈະເຫັນຫນ້າຕ່າງ System Properties ໃນແທບ Advanced ໃຫ້ click Environment Variables ກົດທີ່ New ເພື່ອເພີ່ມ Path ໃຫມ່ ໂດຍ Variable name ໃຫ້ໃສ່ວ່າ JAVA_HOME ແລະ Variables value ໃຫ້ໃສ່ Path ທີ່ຢູ່ຂອງ JDK ປົກກະຕິຈະຢູ່ທີ່ C:\Program Files\Java\jdk1.8.0_25\bin ໃຫ້ຜູ້ອ່ານເບິ່ງຢູ່ເຄື່ອງຂອງຕົວເອງແລ້ວ copy Path ມາໃສ່

EPT-course

ຈາກນັ້ນເຮົາຈະທົດສອບເບິ່ງວ່າເຮົາຕິດຕັ້ງສຳເລັດແລ້ວບໍ ໂດຍການເປີດ cmd ຂື້ນມາແລ້ວພິມຄຳສັ່ງ java -version ຖ້າປະກົດເຫັນ version ຂອງ java ສະແດງວ່າເຮົາຕິດຕັ້ງສຳເລັດແລ້ວ
jdk10

2.  ຕິດຕັ້ງ Android Studio ແລະ Android SDK

ກ່ອນອື່ນເຂົ້າໄປ Download Android Studio ກ່ອນ ຈາກເວັບ developer.android.com

and stu

ຫລັງຈາກ download ແລ້ວລະກໍໃຫ້ເປີດ file .exe ເພື່ອເຮັດການຕິດຕັ້ງເລີຍ
install-android-studio

ໃນສ່ວນນີ້ມັນຊິໃຫ້ເຮົາເລືອກຕິດຕັ້ງ Android SDK ແລະ Android Virtual Device ສຳລັບໃຜທີ່ຍັງບໍ່ມີ Android SDK ກໍໃຫ້ຕິກເອົາ ສ່ວນ Android Virtual Device ຖ້າຜູ້ອ່ານຫາກມີ smart phone android ເພື່ອທີ່ຈະໄວ້ run ຢູ່ແລ້ວບໍ່ຕິກກໍໄດ້ ແຕ່ຖ້າບໍ່ມີກໍໃຫ້ຕິກເອົາເພື່ອທີ່ຈະໃຊ້ເປັນ emulator ໃນການ run ໂປຣແກຣມ

install-android-studio2ຕໍ່ມາເປັນການເລືອກ path ວ່າຊິຕິດຕັ້ງ android studio ແລະ android SDK ໄວ້ໃສ ສ່ວນນີ້ສາມາດກົດ next ໄປເລີຍກໍໄດ້
install-android-studio3

ເມື່ອ download ຮຽບຮ້ອຍແລ້ວກໍກົດ Finish ໄດ້ເລີຍ
vjLGP

ຕໍ່ໄປເປັນການ download package Android SDK

ໃຫ້ເປີດ Android Studio ຂື້ນມາແລ້ວ click ທີ່ configure > ເລືອກ Android SDK Manager

sdk

ແລ້ວກົດທີ່ launch Standalone SDK Manager
sdk1

ເມື່ອເປີດ SDK manger ຂື້ນມາ SDK manger ກໍຈະແນະນຳໃຫ້ເຮົາອັບເດດເຕັມເລີຍ ແຕ່ເຮົາບໍ່ຈຳເປັນຈະຕ້ອງອັບເດດທັງຫມົດ ຜູ້ຂຽນແນະນຳໃຫ້ເອົາເຄື່ອງຫມາຍຖືກອອກຫມົດກ່ອນ ແລ້ວເລືອກອັບເດດເອົາສິ່ງທີ່ຈຳເປັນເທົ່ານັ້ນ

ສິ່ງທີ່ຈຳເປັນ

  • Tools ໃຫ້ຕິກເອົາ Android SDK Platform-tools , Android SDK Built-tools
  • Android M (API22, MNC preview) ໃຫ້ຕິກເອົາ SDK Platform
  • Android 5.1.1(API22)  ໃຫ້ຕິກເອົາ SDK Platform
  • Android 4.3.1(API18) ໃຫ້ຕິກເອົາ SDK Platform
  • Extras ໃຫ້ຕິກເອົາ Android Support Repository ,  Android Support library

ເລືອກແລ້ວລະກໍກົດ Install  ແລ້ວໃຫ້ກົດ Accept License ໄປ
sdk2

ສຳຫລັບການ Setup Environment ໃນການພັດທະນາ android ກໍປະມານນີ້ສຳໃຜທີ່ບໍ່ເຂົ້າໃຈຫລືມີປັນຫາບ່ອນໃດກໍໃຫ້ຄອມເມັ້ນຖາມເຂົ້າມາໄດ້ເລີຍ ດຽວຜູ້ຂຽນຈະພາຍາຍາມຫາຄຳຕອບມາໃຫ້ 😀

Advertisements

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s